मुंबई : मुलींना उत्तम शिक्षण मिळावे. त्यांना स्वतः च्या पायावर उभं राहता यावे, यासाठी शासनाने अनेक योजना राबवल्या आहेत. शिक्षणाचा खर्च अनेकांना परवडत नाही. त्यामुळे अनेकजण मुलींच्या शिक्षणाकडे दुर्लक्ष करतात. त्यामुळेच मुलींच्या शिक्षणासाठी अनेक स्कॉलरशीप सुरू करण्यात आल्या आहेत. या योजनांमध्ये मुलींना शिक्षणासाठी आर्थिक मदत केली जाते.

योजना अशा : 

- उडान स्कॉलरशीप 

सीबीएसई अकरावी आणि बारावीच्या विद्यार्थ्यांना शिष्यवृत्ती देते. जेणेकरुन त्यांना इंजिनियरिंगच्या तयारीसाठी आर्थिक मदत मिळेल. मान्यताप्राप्त कॉलेजमध्ये ॲॅडमिशन घेता यावे. यासाठी मदत केली जाते. या स्कॉलरशीपमध्ये राखीव प्रवर्गातील मुलींना जागा राखीव असतात.

- बेगम हजरत महल नॅशनल स्कॉलरशिप

बेगम हजरत महल नॅशनल स्कॉलरशीप नववी आणि बारावीच्या विद्यार्थिनींना दिली जाते. ही स्कॉलरशीप मुस्लिम, ख्रिश्चन, सिख, बौद्ध, जैन आणि पारसी समाजातील विद्यार्थिनींना मेरिट लिस्टद्वारे दिली जाते.

- प्रगती स्कॉलरशीप

प्रगती स्कॉलरशीप अशा मुलींना दिली जाते. त्यांनी AICTE मान्यताप्राप्त कॉलेजमध्ये डिग्री किंवा डिप्लोमासाठी ॲॅडमिशन घेतले असेल. यासाठी मुलींच्या कुटु्ंबाचे उत्पन्न ८ लाखांचे कमी असावे.

- इंदिरा गांधी स्कॉलरशीप

इंदिरा गांधी स्कॉलरशीप फॉर सिंगल चाइल्ड ही त्या मुलींना दिली जाते ज्या एकुलत्या एक असतील. त्यांनी कोणत्याही नॉन प्रोफेशनल पोस्ट ग्रॅज्युएशन कोर्समध्ये ॲॅडमिशन घेतले असेल.

- सावित्रीबाई फुले स्कॉलरशीप

ही योजना खास महाराष्ट्रातील मुलींसाठी राबवण्यात आली आहे. मागासवर्गीय मुलींना ही स्कॉलरशीप दिली जाते. यामध्ये आठवी ते १० वीच्या विद्यार्थिनींचा समावेश आहे. त्यांना उत्तम शिक्षण मिळावे, यासाठी ही स्कॉलरशीप सुरू करण्यात आली आहे.