कुडाळ : कोकणातला दशावतार हा कोकणची संस्कृती आहे. दशावतार हा एक पारंपरिक लोककला प्रकार आहे, जो महाराष्ट्राच्या कोकण किनारपट्टी भागात, विशेषतः सिंधुदुर्ग आणि रत्नागिरी जिल्ह्यांत, खूप लोकप्रिय आहे. ही कला केवळ मनोरंजन नाही, तर ती एक धार्मिक आणि सांस्कृतिक परंपरा आहे. पौराणिक कथांवर आधारित: दशावतारात प्रामुख्याने विष्णूच्या दहा अवतारांवर आधारित कथा सादर केल्या जातात, जसे की मत्स्य, कूर्म, वराह, नृसिंह, वामन, परशुराम, राम, कृष्ण, बुद्ध आणि कल्की. या व्यतिरिक्त इतर पौराणिक कथा आणि लोककथांचाही समावेश असतो.

 दशावतारात कलाकार आकर्षक आणि रंगीत वेशभूषा परिधान करतात. प्रत्येक भूमिकेनुसार त्यांचा पोशाख आणि रंगभूषा वेगळी असते. मुखवटे आणि चमकदार कपड्यांचा वापर हे या कलेचे खास वैशिष्ट्य आहे.

 दशावताराचा प्रयोग रात्री सुरू होतो आणि पहाटेपर्यंत चालतो. यात गाणे, संवाद, आणि अभिनय यांचा संगम असतो. संगीत हे हार्मोनियम, तबला, झांज, आणि टाळ यांच्या साथीने सादर केले जाते.

 दशावतार केवळ मनोरंजन करत नाही, तर तो धार्मिक आणि नैतिक मूल्यांचा प्रसारही करतो. यातून चांगुलपणाचा विजय आणि वाईटाचा पराभव अशा शिकवणुकी दिल्या जातात. 

सर्व कलेचा पिटारा घेऊन दशावतार सिनेमा लवकरच आपल्या भेटीला येणार आहे. सस्पेन्स थ्रीलर या सिनेमात अनुभवता येणार आहे. प्रमुख कलाकार दिलीप प्रभावळकर (मुख्य भूमिकेत),महेश मांजरेकर, भरत जाधव, सिद्धार्थ मेनन, अभिनय बेर्डे

, प्रियदर्शिनी इंदलकर हे आहेत. चित्रपटाची कथा, पटकथा आणि दिग्दर्शन सुबोध खानोलकर यांनी केले आहे. हॉटेल लेमनग्रास येथे सिनेमा प्रमोशन साठी 

अभिनय बेर्डे, प्रियदर्शनी इंदलकर, सिद्धार्थ मेनन, ओमकार काटे निर्माते यांची उपस्थिती होती. सिंधुदुर्गच्या रिलस्टार  यांना आमंत्रित करण्यात आले होते.