सिंधुदुर्गनगरी : राष्ट्रीय स्वयंसेवक संघाचे प्रमुख मोहन भागवत हे 1 व 2 फेब्रुवारीला सिंधुदुर्ग जिल्ह्यात येत आहेत. हा त्यांचा प्रवास संघटनात्मक कामासंदर्भात असून सिंधुदुर्ग जिल्ह्यातील मालवण मध्ये हा प्रवास असल्याने ते किल्ल्यालाही भेट देणार आहेत.

असा आहे दौरा 

राष्ट्रीय स्वयंसेवक संघाचे संघचालक पूजनीय मोहन भागवत हे राष्ट्रीय स्वयंसेवक संघाच्या संघटनाअंतर्गत कामासाठी सिंधुदुर्ग जिल्ह्यात मालवण येथे येत आहेत. यावेळी त्यांच्या उपस्थितीत जिल्ह्यातील संघ स्वयंसेवकांची बैठक संपन्न होणार आहे. तर ते या प्रवासात सिंधुदुर्ग किल्यालाही भेट देणार आहेत.तसेच त्यांच्या हस्ते अखिल महाराष्ट्र गिर्यारोहक महासंघाने तयार केलेल्या सिंधुदुर्ग आणि विजयदुर्ग किल्ला प्रतिकृतींचे लोकार्पण केले जाणार आहे.अशी माहिती रा स्व संघाचे सिंधुदुर्ग जिल्हा संघचालक रवी मराठे यांनी दिली.