सावंतवाडी : शहराच्यावतीने मुख्यमंत्री सावंतवाडी एकनाथ शिंदे यांचा नागरी सत्कार येत्या सहा जूनला करण्यात येणार आहे. त्यासाठी सत्कार समिती स्थापन करण्यात आली असून अध्यक्षपदी भाजपचे युवा नेते, युवराज लखमराजे सावंत-भोसले यांची निवड करण्यात आली आहे. त्यांच्या अध्यक्षतेखाली मुख्यमंत्री शिंदे यांचा सत्कार सकाळी ११ वाजता सावंतवाडी बाजारपेठेतील जयप्रकाश चौकात करण्यात येणार आहे.

लखमराजे सावंत-भोसले यांच्या अध्यक्षतेखालील सत्कार समितीत रोटरी क्लब, इनरव्हील क्लब, व्यापारी, ज्येष्ठ नागरिक संस्थेचे प्रतिनिधी आहेत. सावंतवाडी शहरात प्रथमच मुख्यमंत्री शिंदे येत असल्याने त्यांच्या स्वागताची जय्यत तयारी सुरू आहे.