कणकवली : भारतीय जनता पार्टीचे प्रदेशाध्यक्ष चंद्रशेखर बावनकुळे बावनकुळे सिंधुदुर्ग दौऱ्यावर आहेत.त्यांचे खारेपाटण येथे आमदार नितेश राणे व भारतीय जनता पार्टीच्या पदाधिकाऱ्यांनी जोरदार स्वागत केले. त्यानंतर कणकवलीत महाविजय २०२४ संकल्प दौरा आयोजित करण्यात आला आहे.

माजी नगराध्यक्ष समीर नलावडे यांनी दिलेल्या माहितीनुसार प्रदेशाध्यक्ष चंद्रशेखर बावनकुळे हे कणकवली येथे आगमन झाल्यावर भालचंद्र महाराज यांच्या मठात दर्शन घेऊन पुढे पदयात्रेला सुरुवात होणार आहे. मात्र जर पाहिलं तर सिंधुदुर्गच्या कानाकोपऱ्यातून भाजपाचे पदाधिकारी, कार्यकर्ते हे कणकवली येथे जमले आहेत. मोठी गर्दी कणकवली शहरात पाहायला मिळत आहे. कार्यकर्त्यांमधून तसेच नागरिकांमधून देखील उत्स्फूर्त प्रतिसाद मिळत असल्याचे दिसत आहे.