सिंधुदुर्ग : शिवसेना नेते, युवासेनाप्रमुख, माजी मंत्री आदित्य ठाकरे उद्या सिंधुदुर्ग, रत्नागिरी जिल्हा दौऱ्यावर येणार आहेत. २३ आणि २४ असा दोन दिवस हा दौरा आहे. रत्नागिरी, सिंधुदुर्ग जिल्ह्यातील प्रमुख पदाधिकाऱ्यांकडे 'खळा बैठका' होणार आहेत.

त्यांचा हा दौरा राजकीयदृष्ट्या महत्त्वाचा आहे.आदित्य ठाकरे २३ नोव्हेंबरला सकारी ११ वाजता लीना कुबल याच्या अंगणात बैठक होणार आहे. १२.२५ ला सावंतवाडी येथे चंद्रकांत कासार यांच्या घरी बैठक होणार आहे. तर कुडाळ येथे दिड वाजता मंदार शिरसाट यांच्या घरी बैठक होणार आहे. त्यानंतर बांबार्डे, कणकवली, देवगड येथे दुपारी ३ वाजेपर्यंत अशा प्रकारे बैठका होणार आहेत. सतिश सावंत यांच्या निवासस्थानी पत्रकार परिषद होणार आहे.  त्यानंतर दुपारी ४ वाजता ते राजापूरला प्रयाण करणार आहेत.५ ते रात्री ८ पर्यंत त्यांच्या करबुडे येथे वेगवेगळ्या ठिकाणी बैठका होणार आहेत. २४ ला दुपारी सव्वा बारा वाजता जिल्हाप्रमुख सचिन कदम यांची भेट ते घेणार आहेत. त्यानंतर साडेबाराला आमदार भास्कर जाधव यांच्या घरी, १.५५ मिनिटांनी माजी आमदार संजय कदम यांच्या घरी बैठक होणार आहे. दुपारी अडीचच्या सुमारास ते महाडला रवाना होणार आहे.

या दौऱ्याच्या पार्श्वभूमीवर भाजप नेते आमदार नितेश राणेंनी आदित्य ठाकरेंवर सडकून टीका केली आहे. त्याचा तशाच पद्धतीने खासदार विनायक राऊत यांनी समाचार घेतला आहे. त्यामुळे ठाकरे आणि राणे यांच्यातील द्वंद्व पुन्हा पेटण्याची शक्यता आहे. राणेंच्या टिकेला ठाकरी शैलीत आदित्य ठाकरे कशापद्धतीन उत्तर देणार ? याकडे राजकीय वर्तुळाच लक्ष लागून राहिले आहे.