चंदीगढ : पंजाबमधील आपच्या भगवंत मान यांच्या सरकारनं सत्ता आल्यानंतर एका महिन्यात मोफत वीज जुलैपासून देणार असल्याची घोषणा केली होती. पंजाबमध्ये ३०० यूनिट वीज मोफत देण्यात येणार असून त्याची अंमलबजावणी १ जुलै पासून करण्यात आल्याची घोषणा मुख्यमंत्री भगवंत मान यांनी केली आहे. मान यांनी या संदर्भातील माहिती शनिवारी दिली. पंजाब सरकारच्या मोफत वीज योजनेचा फायदा राज्यातील ५१ लाख कुटुंबाना होणार असल्याचं देखील त्यांनी ट्विटरवरुन सांगितलं आहे.