दिल्लीचे उपमुख्यमंत्री मनिष सिसोदिया यांच्या घरावर सीबीआयने छापा टाकल्यानंतर मुख्यमंत्री अरविंद केजरीवाल यांनी संताप व्यक्त केला आहे. आंतरराष्ट्रीय स्तरावर कौतुक होत असल्यानेच कारवाई करण्यात येत असल्याचा आरोप त्यांनी केला आहे. याआधी टाकलेल्या छाप्यातून काही निष्पन्न झालं नव्हतं, आणि यावेळीही होणार नाही असा विश्वासही त्यांनी व्यक्त केला आहे.

सीबीआयने दिल्ली उत्पादन शुल्क धोरण २०२१-२२ शी संबंधित १० ठिकाणांवर आज छापे टाकले असून, यामध्ये मनीष सिसोदिया यांच्या निवासस्थानाचाही समावेश आहे.

“दिल्लीच्या शिक्षण धोरणाचं कौतुक होत असताना आणि अमेरिकेतील सर्वात मोठं वृत्तपत्र न्यूयॉर्क टाइम्समध्ये मनीष सिसोदिया यांचा फोटो आला आहे, तेव्हाच केंद्राने मनीष सिसोदिया यांच्या घरी सीबीआयला पाठवलं आहे,” असं केजरीवाल म्हणाले आहेत.

https://twitter.com/ArvindKejriwal/status/1560460394917167104?ref_src=twsrc%5Etfw%7Ctwcamp%5Etweetembed%7Ctwterm%5E1560460394917167104%7Ctwgr%5E84096760623f252d9c97c7107d66c07c9c3b49d7%7Ctwcon%5Es1_c10&ref_url=https%3A%2F%2Fwww.loksatta.com%2Fdesh-videsh%2Fdelhi-chief-minister-arvind-kejariwal-on-cbi-raid-at-manish-sisodia-residence-new-york-times-sgy-87-3080122%2F

गेल्या महिन्यात दिल्लीचे नायब राज्यपाल व्ही के सक्सेना यांनी दिल्ली उत्पादन शुल्क धोरणातील अनियमिततेची चौकशी करण्यासाठी सीबीआय तपासाची शिफारस केली होती. याप्रकरणी त्यांनी उत्पादन शुल्काच्या ११ अधिकाऱ्यांवर निलंबनाची कारवाईही केली होती. महत्त्वाचं म्हणजे, मनीष सिसोदिया यांनीदेखील सीबीआय चौकशीची मागणी केली होती.